الترجمة الأردية

ہم سے محمد بن کثیر نے بیان کیا، کہا ہم کو سفیان ثوری نے خبر دی، ان سے مغیرہ بن نعمان نے بیان کیا، کہا مجھ سے سعید بن جبیر نے بیان کیا اور ان سے حضرت ابن عباس رضی اللہ تعالیٰ عنہما نے بیان کیا کہ نبی کریم صلی اللہ تعالیٰ علیہ وآلہ وسلم نے ارشاد فرمایا "تم لوگوں کو حشر کے میدان میں ننگے پاؤں، ننگے بدن اور بن ختنہ اٹھایا جائے گا۔" پھر آپ نے یہ آیت تلاوت فرمائی: «كما بدأنا أول خلق نعيده وعدا علينا إنا كنا فاعلين» (جیسے ہم نے پہلی تخلیق شروع کی ویسے ہی دوبارہ پیدا کریں گے، یہ ہمارا وعدہ ہے جو ہم ضرور پورا کریں گے۔) اور قیامت کے دن سب سے پہلے حضرت ابراہیم علیہ السلام کو لباس پہنایا جائے گا۔ اور میرے بعض اصحاب کو بائیں جانب لے جایا جائے گا۔ میں پکاروں گا: میرے اصحاب! میرے اصحاب! تو مجھے بتایا جائے گا کہ آپ کے جدا ہونے کے بعد یہ لوگ مرتد ہو گئے تھے۔ تب میں وہی بات کہوں گا جو نیک بندے (حضرت عیسیٰ علیہ السلام) نے فرمائی تھی: «وكنت عليهم شهيدا ما دمت فيهم» (جب تک میں ان میں رہا ان پر گواہ رہا) آیت «الحكيم» تک۔