اردو ترجمہ

ہم سے عمر بن حفص نے بیان کیا، کہا ہم سے میرے والد حفص بن غیاث نے بیان کیا، کہا ہم سے اعمش نے بیان کیا، کہا ہم سے شقیق بن سلمہ نے بیان کیا اور ان سے حضرت عبداللہ بن مسعود رضی اللہ تعالیٰ عنہ نے فرمایا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: جو شخص اس حال میں مرے کہ وہ اللہ کے ساتھ کسی کو شریک ٹھہراتا تھا تو وہ جہنم میں جائے گا۔ اور (حضرت عبداللہ بن مسعود رضی اللہ تعالیٰ عنہ فرماتے ہیں) میں یہ فرماتا ہوں کہ جو شخص اس حال میں مرے کہ وہ اللہ کے ساتھ کسی کو شریک نہ ٹھہراتا ہو تو وہ جنت میں جائے گا۔