اردو ترجمہ

ہم سے حضرت معاذ بن فضالہ نے بیان کیا، کہا ہم سے ہشام بن ابی عبداللہ دستوائی نے بیان کیا، ان سے یحییٰ بن ابی کثیر نے، ان سے ابو سلمہ نے اور ان سے حضرت ابوہریرہ رضی اللہ تعالیٰ عنہ نے فرمایا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: جب نماز کے لیے اذان دی جاتی ہے تو شیطان ہوا خارج کرتا ہوا بھاگتا ہے تاکہ اذان نہ سن سکے۔ جب اذان مکمل ہو جاتی ہے تو واپس آ جاتا ہے۔ جب اقامت ہوتی ہے تو پھر بھاگ جاتا ہے اور اقامت ختم ہوتے ہی پھر آ جاتا ہے اور نمازی کے دل میں طرح طرح کے وسوسے ڈالتا ہے۔ فرماتا ہے: فلاں بات یاد کرو، فلاں بات یاد کرو - ایسی باتیں یاد دلاتا ہے جو اس کے ذہن میں نہ تھیں - حتیٰ کہ نمازی کو یہ بھی یاد نہیں رہتا کہ اس نے تین رکعت پڑھیں یا چار۔ اگر تم میں سے کسی کو یہ یاد نہ رہے کہ تین رکعت پڑھی ہیں یا چار تو بیٹھے ہی بیٹھے (سہو کے) دو سجدے کر لے۔