الترجمة الأردية

ہم سے موسیٰ بن اسماعیل نے بیان کیا، کہا ہم سے ہمام نے بیان کیا، ان سے قتادہ نے، ان سے حضرت انس رضی اللہ تعالیٰ عنہ نے اور ان سے حضرت معاذ رضی اللہ تعالیٰ عنہ نے بیان کیا کہ میں نبی کریم صلی اللہ تعالیٰ علیہ وآلہ وسلم کے پیچھے سوار تھا۔ آپ صلی اللہ تعالیٰ علیہ وآلہ وسلم نے فرمایا: اے حضرت معاذ! میں نے عرض کیا لبیک وسعدیک (حاضر ہوں)۔ پھر تین مرتبہ ایسے ہی فرمایا۔ فرمایا: کیا تم جانتے ہو بندوں پر اللہ کا کیا حق ہے؟ یہ کہ وہ اس کی عبادت کریں اور اس کے ساتھ کسی کو شریک نہ ٹھہرائیں۔ پھر تھوڑی دیر چلے اور فرمایا: اے حضرت معاذ! میں نے عرض کیا لبیک وسعدیک۔ فرمایا: کیا تم جانتے ہو اگر بندے ایسا کریں تو اللہ پر بندوں کا کیا حق ہے؟ یہ کہ وہ ان کو عذاب نہ دے۔ ہدبہ نے بیان کیا، ہم سے ہمام نے، ان سے قتادہ نے، ان سے انس نے، ان سے حضرت معاذ رضی اللہ تعالیٰ عنہ نے اسی طرح بیان کیا۔