اردو ترجمہ

حضرت جابر بن عبداللہ رضی اللہ تعالیٰ عنہما فرماتے ہیں کہ رسول اللہ صلی اللہ تعالیٰ علیہ وآلہ وسلم ہمیں استخارہ کی دعا اسی طرح سکھاتے تھے جیسے قرآن مجید کی سورت سکھاتے تھے۔ آپ صلی اللہ تعالیٰ علیہ وآلہ وسلم ارشاد فرماتے: جب تم میں سے کوئی کسی کام کا ارادہ کرے تو فرض نماز کے علاوہ دو رکعت (نفل) نماز پڑھے، پھر یہ دعا مانگے: «اللهم إني أستخيرك بعلمك وأستقدرك بقدرتك، وأسألك من فضلك العظيم، فإنك تقدر ولا أقدر وتعلم ولا أعلم وأنت علام الغيوب، اللهم إن كنت تعلم أن هذا الأمر خير لي في ديني ومعاشي وعاقبة أمري فاقدره لي ويسره لي ثم بارك لي فيه، وإن كنت تعلم أن هذا الأمر شر لي في ديني ومعاشي وعاقبة أمري فاصرفه عني واصرفني عنه، واقدر لي الخير حيث كان ثم أرضني به» (ترجمہ: اے اللہ! میں تجھ سے تیرے علم کے واسطے سے خیر مانگتا ہوں اور تیری قدرت کے واسطے سے طاقت مانگتا ہوں، اور تیرے عظیم فضل سے سوال کرتا ہوں — بے شک تو قدرت رکھتا ہے اور میں قدرت نہیں رکھتا، تو جانتا ہے اور میں نہیں جانتا، اور تو غیب کا جاننے والا ہے۔ اے اللہ! اگر تیرے علم میں یہ کام میرے دین، معاش اور انجام کار کے لیے بہتر ہو تو اسے میرے لیے مقدر فرما دے اور آسان کر دے اور اس میں میرے لیے برکت عطا فرما۔ اور اگر تیرے علم میں یہ کام میرے دین، معاش اور انجام کار کے لیے برا ہو تو اسے مجھ سے پھیر دے اور مجھے اس سے پھیر دے، اور خیر جہاں کہیں بھی ہو میرے لیے مقدر فرما دے اور مجھے اس پر راضی فرما دے)۔ آپ صلی اللہ تعالیٰ علیہ وآلہ وسلم نے فرمایا: اور اپنی حاجت کا نام لے۔