اردو ترجمہ

سیدہ عائشہ رضی اللہ عنہا سے روایت ہے کہ انہوں نے کہا: (ایک بار) نبیصلی اللہ علیہ وسلمکی ازواج نے سیدہ فاطمہ رضی اللہ عنہا کو نبیصلی اللہ علیہ وسلمکی خدمت میں بھیجا، انہوں نے (آپصلی اللہ علیہ وسلمسے) اجازت چاہی اس وقت آپصلی اللہ علیہ وسلمسیدہ عائشہ رضی اللہ عنہا کے پاس ان کی چادر میں تھے آپ نے سیدہ فاطمہ رضی اللہ عنہا کو اجازت دے دی وہ آئیں اور انہوں نے (آ کر) کہا: مجھے آپ کی ازواج نے بھیجا ہے وہ آپ سے ابوقحافہ کی بیٹی کے بارے میں انصاف کا تقاضا کرتی ہیں، آپصلی اللہ علیہ وسلمنے فرمایا:”اے میری بیٹی! کیا تم اس سے محبت کرتی ہو جس سے میں محبت کرتا ہوں؟“انہوں نے کہا: بے شک، آپصلی اللہ علیہ وسلمنے فرمایا:”تو اس (عائشہ رضی اللہ عنہا) سے محبت کیا کرو“، اس کے بعد وہ اٹھیں اور باہر جا کر انہوں نے رسول اللہصلی اللہ علیہ وسلمکی ازواج کو اطلاع دے دی، انہوں نے کہا: تم تو ہمارے کچھ بھی کام نہ آئیں، ان کے پاس دوبارہ جاؤ، انہوں نے کہا: اللہ کی قسم! میں تو اس بارے میں آپ سے کبھی بھی کچھ نہ کہوں گی، اس کے بعد انہوں نے نبیصلی اللہ علیہ وسلمکی زوجہ سیدہ زینب رضی اللہ عنہا کو بھیجا انہوں نے آپ سے اجازت چاہی، آپ نے انہیں بھی اجازت دے دی، انہوں نے بھی آ کر آپ سے وہی کہا: اور اس کے ساتھ ساتھ مجھے سخت سست کہا: تو میں (آپصلی اللہ علیہ وسلمکی طرف) دیکھنے لگی کہ نبیصلی اللہ علیہ وسلممجھے (بھی بولنے کی) اجازت دیتے ہیں؟ میں مسلسل آپ کو دیکھتی رہی یہا ں تک کہ میں نے محسوس کیا اگر میں جواب دوں تو آپ کو برا نہیں لگے گا، پھر میں نے بھی زینب کے بارے میں باتیں کیں اور ان پر غالب آ کر انہیں چپ کرا لیا اس پر رسول اللہصلی اللہ علیہ وسلممسکرانے لگے پھر فرمایا:”آخر ابوبکر کی بیٹی ہے۔“[صحيح الادب المفرد/حدیث: 436]