Urdu Translation

سیدنا ابوسعید خدری رضی اللہ عنہ سے روایت ہے کہ سیدنا عمر رضی اللہ عنہ نے عرض کیا: اے اللہ کے رسول! میں نے فلاں شخص کو آپ کا ذکر کرتے اور آپ کی تعریف کرتے ہوئے سنا ہے، اس کا خیال ہے کہ آپ نے اسے دو دینار عطا کیے ہیں، آپصلی اللہ علیہ وسلمنے فرمایا:”لیکن فلاں شخص ایسی بات نہیں کرتا، حالانکہ اسے مجھ سے دس سے سو (دینار) کے درمیان مل چکے ہیں“، پھر آپصلی اللہ علیہ وسلمنے فرمایا:”تم میں سے کوئی میرے پاس سے اپنا سوال (مانگی ہوئی چیز) لے کر نکلتا ہے اور اسے اپنی بغل میں دبائے ہوتا ہے، حالانکہ وہ (مانگی ہوئی چیز) اس کے لیے محض آگ ہوتی ہے“، سیدنا عمر رضی اللہ عنہ نے عرض کیا: اے اللہ کے رسول! پھر آپ انہیں کیوں عطا فرماتے ہیں؟ آپصلی اللہ علیہ وسلمنے فرمایا:”میں کیا کروں؟ وہ مجھ سے مانگتے ہیں اور اللہ کو یہ پسند نہیں کہ میں بخل سے کام لوں۔“یہ حدیث شیخین کی شرط پر صحیح ہے لیکن انہوں نے اس سیاق کے ساتھ اسے روایت نہیں کیا۔[المستدرك على الصحيحين/كتاب الإيمان/حدیث: 144]