الترجمة الأردية

نبی کریمصلی اللہ علیہ وسلمکی زوجہ مطہرہ عائشہ رضی اللہ عنہا نے بیان کیا کہ مومن عورتیں جب ہجرت کر کے نبی کریمصلی اللہ علیہ وسلمکے پاس آتی تھیں تو آپصلی اللہ علیہ وسلمانہیں آزماتے تھے، بوجہ اللہ تعالیٰ کے اس ارشاد کے کہ﴿اے وہ لوگو! جو ایمان لے آئے ہو، جب مومن عورتیں تمہارے پاس ہجرت کر کے آئیں تو انہیں آزماؤ﴾[سورة الممتحنة: 10]آخر آیت تک۔ عائشہ رضی اللہ عنہا نے بیان کیا کہ پھر ان (ہجرت کرنے والی) مومن عورتوں میں سے جو اس شرط کا اقرار کر لیتی تو وہ آزمائش میں پوری سمجھی جاتی تھی۔ چنانچہ جب وہ عورتیں اس کا اپنی زبان سے اقرار کر لیتیں تو رسول اللہصلی اللہ علیہ وسلمان سے فرماتے:”اب جاؤ، میں نے تم سے عہد لے لیا ہے“۔ ہرگز نہیں! واللہ! آنسیدناصلی اللہ علیہ وسلمکے ہاتھ نے (بیعت لیتے وقت) کسی عورت کا ہاتھ کبھی نہیں چھوا۔ آنسیدناصلی اللہ علیہ وسلمان سے صرف زبان سے (بیعت لیتے تھے) واللہ! رسول اللہصلی اللہ علیہ وسلمنے عورتوں سے صرف انہیں چیزوں کا عہد لیا جن کا اللہ نے آپ کو حکم دیا تھا۔ بیعت لینے کے بعد آپ ان سے فرماتے:”میں نے تم سے عہد لے لیا ہے“، یہ آپ صرف زبان سے کہتے:”میں نے تم سے بیعت لے لی“۔[اللؤلؤ والمرجان/كتاب الإمارة/حدیث: 1221]