الترجمة الأردية

ابونضرہ رحمہ اللہ بیان کرتے ہیں کہ مجھے اس نے حدیث بیان کی جو منیٰ میں نبی اکرمصلی اللہ علیہ وسلمکے خطبے میں حاضر ہوا تھا، اس نے کہا رسول اللہصلی اللہ علیہ وسلمایام تشریق کے درمیان کھڑے ہوئے اور فرمایا:”اے لوگو! بے شک تمہارا رب ایک اور بے شک تمہارا باپ ایک ہے۔ سنو! کسی عربی کی کسی عجمی پر کوئی فضیلت نہیں اور نہ کسی عجمی کی، کسی عربی پر اور نہ کسی سیاہ کی سرخ پر اور نہ کسی سرخ کی سیاہ پر، سوائے اللہ کے تقوے کے، دیکھو! کیا میں نے پہنچا دیا؟“انہوں نے کہا کہ رسول اللہصلی اللہ علیہ وسلمنے پہنچا دیا۔ آپصلی اللہ علیہ وسلمنے فرمایا:”لازم ہے جو موجود ہے اسے پہنچا دے جو غائب ہے۔“پھر آپصلی اللہ علیہ وسلمنے فرمایا:”یہ مہینہ کون سا ہے؟“انہوں نے کہا کہ حرمت والا مہینہ ہے۔ آپصلی اللہ علیہ وسلمنے فرمایا:”یہ دن کون سا ہے؟“انہوں نے کہا کہ حرمت والا دن ہے۔ آپصلی اللہ علیہ وسلمنے فرمایا:”یہ شہر کون سا ہے؟“انہوں نے کہا کہ حرمت والا شہر ہے۔ آپصلی اللہ علیہ وسلمنے فرمایا:”بے شک تمہارے خون اور تمہارے مال (راوی نے کہا کہ) اور میرا خیال ہے، آپصلی اللہ علیہ وسلمنے فرمایا: اور تمہاری عزتیں تمہارے لیے قابل احترام ہیں، جس طرح تمہارے اس شہر میں، تمہارے اس مہینے میں تمہارے اس دن کا احترام ہے۔ سنو! کیا میں نے پہنچا دیا؟“انہوں نے کہا کہ رسول اللہصلی اللہ علیہ وسلمنے پہنچا دیا ہے، آپصلی اللہ علیہ وسلمنے فرمایا:”تو لازم ہے کہ جو موجود ہے، اسے پہنچا دے جو حاضر نہیں ہے۔“[مسند عبدالله بن مبارك/حدیث: 254]