الترجمة الأردية

ہم سے علی بن عبداللہ نے بیان کیا، کہا ہم سے سفیان نے بیان کیا، کہا میں نے زہری سے سنا فرماتے تھے: مجھے عروہ اور سعید بن مسیب نے خبر دی اور ان سے حضرت حکیم بن حزام رضی اللہ تعالیٰ عنہ نے فرمایا: میں نے نبی کریم صلی اللہ تعالیٰ علیہ وآلہ وسلم سے مانگا تو آپ نے عطا فرمایا، پھر میں نے مانگا تو آپ نے عطا فرمایا، پھر میں نے مانگا تو آپ نے عطا فرمایا، پھر ارشاد فرمایا: یہ مال — اور بعض اوقات سفیان نے کہا: آپ نے فرمایا: اے حکیم! — بے شک یہ مال سبز اور شیریں ہے۔ جو اسے خوشدلی سے لے اس کے لیے اس میں برکت ہو گی اور جو اسے للچ سے لے اس کے لیے اس میں برکت نہیں ہو گی اور وہ اس شخص جیسا ہو گا جو کھاتا ہے اور سیر نہیں ہوتا۔ اور اوپر والا ہاتھ نیچے والے ہاتھ سے بہتر ہے۔