الترجمة الأردية

ہم سے قتیبہ بن سعید نے بیان کیا، کہا ہم سے لیث نے بیان کیا، ان سے یزید بن ابی حبیب نے، ان سے ابوالخیر نے اور ان سے حضرت عقبہ بن عامر رضی اللہ تعالیٰ عنہ نے بیان کیا کہ رسول اللہ صلی اللہ تعالیٰ علیہ وآلہ وسلم ایک دن باہر تشریف لائے اور احد کے شہداء پر نماز جنازہ پڑھی جیسے میت پر نماز پڑھتے ہیں۔ پھر منبر کی طرف تشریف لائے اور ارشاد فرمایا: میں تمہارا پیش رو ہوں اور تم پر گواہ ہوں۔ اللہ کی قسم! میں اس وقت بھی اپنا حوض دیکھ رہا ہوں اور مجھے زمین کے خزانوں کی — یا فرمایا: زمین کی — کنجیاں عطا فرمائی گئی ہیں۔ اللہ کی قسم! مجھے تمہارے بارے میں یہ ڈر نہیں ہے کہ تم میرے بعد شرک کرو گے لیکن مجھے ڈر ہے کہ تم دنیا میں ایک دوسرے سے مقابلہ کرو گے۔