الترجمة الأردية

ہم سے قتیبہ بن سعید نے بیان کیا، کہا ہم سے عبدالوہاب نے بیان کیا، کہا ہم سے ایوب نے بیان کیا، ان سے ابن ابی ملیکہ نے اور ان سے حضرت اُمّ المؤمنین عائشہ رضی اللہ تعالیٰ عنہا نے بیان کیا کہ یہود نبی کریم صلی اللہ تعالیٰ علیہ وآلہ وسلم کے پاس آئے اور کہا: اَلسَّامُ عَلَیْکَ (تم پر موت ہو)۔ آپ نے ارشاد فرمایا: وَعَلَیْکُمْ (اور تم پر بھی)۔ حضرت اُمّ المؤمنین عائشہ رضی اللہ تعالیٰ عنہا نے فرمایا: تم پر موت ہو اور اللہ تم پر لعنت کرے اور تم پر غضب فرمائے۔ تو رسول اللہ صلی اللہ تعالیٰ علیہ وآلہ وسلم نے ارشاد فرمایا: ٹھہرو حضرت اُمّ المؤمنین عائشہ! نرمی اختیار کرو اور سختی اور بدزبانی سے بچو۔ انہوں نے عرض کیا: آپ نے نہیں سنا انہوں نے کیا کہا؟ ارشاد فرمایا: کیا تم نے نہیں سنا میں نے کیا کہا؟ میں نے انہیں جواب دے دیا، میری دعا ان کے حق میں قبول ہو گی اور ان کی دعا میرے حق میں قبول نہیں ہو گی۔