الترجمة الأردية

ہم سے بشر بن خالد نے بیان کیا، کہا ہم سے محمد بن جعفر نے بیان کیا، شعبہ سے، سلیمان سے، ابو وائل سے، حضرت عبداللہ (بن مسعود) رضی اللہ تعالیٰ عنہ سے، نبی کریم صلی اللہ تعالیٰ علیہ وآلہ وسلم سے کہ آپ صلی اللہ تعالیٰ علیہ وآلہ وسلم نے ارشاد فرمایا: جو شخص جھوٹی قسم کھائے تاکہ کسی شخص کا مال، یا فرمایا: اپنے بھائی کا مال ہتھیا لے تو وہ اللہ تعالیٰ سے اس حال میں ملے گا کہ اللہ تعالیٰ اس پر غضبناک ہوں گے۔ اور اللہ تعالیٰ نے اس کی تصدیق قرآن میں نازل فرمائی: بے شک جو لوگ اللہ کے عہد اور اپنی قسموں کو تھوڑی قیمت پر بیچ ڈالتے ہیں، یہ پوری آیت۔ پھر مجھ سے اشعث (بن قیس رضی اللہ تعالیٰ عنہ) ملے تو فرمایا: آج عبداللہ نے تمہیں کیا بیان کیا؟ میں نے کہا: ایسا ایسا۔ فرمایا: یہ آیت میرے بارے میں نازل ہوئی تھی۔