الترجمة الأردية

ہم سے مسدد نے بیان کیا، کہا کہ ہم سے یحییٰ نے بیان کیا، ان سے امام مالک رحمۃ اللہ تعالیٰ علیہ نے بیان کیا کہ مجھ سے سالم نے بیان کیا، کہا کہ مجھ سے حضرت ام فضل رضی اللہ تعالیٰ عنہا کے آزاد کردہ غلام عمیر نے بیان کیا کہ حضرت ام فضل رضی اللہ تعالیٰ عنہا نے ان سے بیان فرمایا۔ (دوسری سند) امام بخاری رحمۃ اللہ تعالیٰ علیہ نے فرمایا اور ہم سے عبداللہ بن یوسف نے بیان کیا، انہیں امام مالک رحمۃ اللہ تعالیٰ علیہ نے خبر دی، انہیں عمر بن عبیداللہ کے غلام ابونضر نے، انہیں حضرت عبداللہ بن عباس رضی اللہ تعالیٰ عنہما کے غلام عمیر نے اور انہیں حضرت ام فضل بنت حارث رضی اللہ تعالیٰ عنہا نے فرمایا کہ ان کے یہاں کچھ لوگ عرفات کے دن نبی کریم صلی اللہ تعالیٰ علیہ وآلہ وسلم کے روزے کے بارے میں بحث کر رہے تھے۔ بعض نے کہا کہ آپ صلی اللہ تعالیٰ علیہ وآلہ وسلم روزے سے ہیں اور بعض نے کہا کہ روزے سے نہیں ہیں۔ اس پر حضرت ام فضل رضی اللہ تعالیٰ عنہا نے آپ صلی اللہ تعالیٰ علیہ وآلہ وسلم کی خدمت میں دودھ کا ایک پیالہ بھیجا (تاکہ حقیقت ظاہر ہو جائے)۔ آپ صلی اللہ تعالیٰ علیہ وآلہ وسلم اپنے اونٹ پر سوار تھے، آپ صلی اللہ تعالیٰ علیہ وآلہ وسلم نے دودھ نوش فرما لیا۔