الترجمة الأردية

ہم سے یحییٰ بن جعفر بیکندی نے بیان کیا، کہا ہم سے حضرت ابومعاویہ نے بیان کیا، ان سے اعمش نے، ان سے مجاہد نے، ان سے طاؤس نے اور ان سے حضرت ابن عباس رضی اللہ تعالیٰ عنہما نے نبی کریم صلی اللہ تعالیٰ علیہ وآلہ وسلم سے روایت کیا کہ آپ صلی اللہ تعالیٰ علیہ وآلہ وسلم کا گزر دو قبروں سے ہوا جن میں عذاب ہو رہا تھا۔ آپ صلی اللہ تعالیٰ علیہ وآلہ وسلم نے ارشاد فرمایا: ان دونوں کو عذاب ہو رہا ہے اور کسی بہت بڑی بات پر عذاب نہیں ہو رہا۔ ایک شخص پیشاب (کے چھینٹوں) سے نہیں بچتا تھا اور دوسرا چغل خوری کیا کرتا تھا۔ پھر آپ صلی اللہ تعالیٰ علیہ وآلہ وسلم نے کھجور کی ایک تر ڈالی لی اور اسے دو ٹکڑوں میں چیر کر ہر قبر پر ایک ایک ٹکڑا گاڑ دیا۔ لوگوں نے عرض کیا: یا رسول اللہ! آپ نے ایسا کیوں فرمایا؟ آپ صلی اللہ تعالیٰ علیہ وآلہ وسلم نے ارشاد فرمایا: شاید جب تک یہ خشک نہ ہوں ان کا عذاب ہلکا کر دیا جائے۔