الترجمة الأردية

ہم سے محمد بن سنان نے بیان کیا، ان سے فلیح بن سلیمان نے بیان کیا، ان سے ہلال بن علی نے بیان کیا، ان سے حضرت انس بن مالک رضی اللہ تعالیٰ عنہ نے روایت کیا کہ ہم رسول اللہ صلی اللہ تعالیٰ علیہ وآلہ وسلم کی صاحبزادی کے جنازے میں حاضر تھے۔ رسول اللہ صلی اللہ تعالیٰ علیہ وآلہ وسلم قبر پر تشریف فرما تھے۔ میں نے دیکھا کہ آپ صلی اللہ تعالیٰ علیہ وآلہ وسلم کی آنکھوں سے آنسو جاری تھے۔ آپ صلی اللہ تعالیٰ علیہ وآلہ وسلم نے دریافت فرمایا: کیا تم میں کوئی ایسا ہے جو آج رات بیوی کے پاس نہ گیا ہو؟ حضرت ابوطلحہ رضی اللہ تعالیٰ عنہ نے عرض کیا: میں حاضر ہوں۔ آپ صلی اللہ تعالیٰ علیہ وآلہ وسلم نے ارشاد فرمایا: تم قبر میں اتر جاؤ۔ چنانچہ وہ قبر میں اترے اور میت کو دفن کیا۔ عبداللہ بن مبارک رحمۃ اللہ تعالیٰ علیہ نے بیان کیا کہ فلیح نے فرمایا: میرا خیال ہے کہ «لم يقارف» سے مراد گناہ ہے۔ امام بخاری رحمۃ اللہ تعالیٰ علیہ نے فرمایا کہ سورۃ الانعام میں جو «ليقترفوا» آیا ہے اس کا معنی ہے کہ تاکہ (گناہ) کمائیں۔