الترجمة الأردية

ہم سے یحییٰ بن بکیر نے بیان کیا، کہا ہم سے لیث بن سعد نے بیان کیا، ان سے جعفر بن ربیعہ نے اور ان سے اعرج نے فرمایا کہ حضرت ابوہریرہ رضی اللہ تعالیٰ عنہ نے بیان کیا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: جب نماز کے لیے اذان دی جاتی ہے تو شیطان ریاح خارج کرتا ہوا پیٹھ پھیر کر بھاگتا ہے تاکہ اذان نہ سن سکے۔ جب مؤذن چپ ہو جاتا ہے تو واپس آ جاتا ہے۔ جب اقامت ہوتی ہے تو پھر بھاگ جاتا ہے اور جب اقامت ختم ہو جاتی ہے تو پھر آ جاتا ہے اور آدمی کے دل میں وسوسے ڈالتا رہتا ہے، کہتا ہے فلاں بات یاد کر، فلاں بات یاد کر، ایسی باتیں یاد دلاتا ہے جو اسے یاد نہ تھیں، حتیٰ کہ نمازی کو یہ بھی یاد نہیں رہتا کہ اس نے کتنی رکعتیں پڑھی ہیں۔ حضرت ابوسلمہ بن عبدالرحمٰن نے فرمایا: جب تم میں سے کوئی ایسا بھول جائے (کہ کتنی رکعتیں پڑھیں) تو بیٹھے بیٹھے (سہو کے) دو سجدے کر لے۔ حضرت ابوسلمہ نے یہ حضرت ابوہریرہ رضی اللہ تعالیٰ عنہ سے سنا تھا۔