اردو ترجمہ

یحییٰ بن یحییٰ تمیمی نے بیان کیا، کہا میں نے امام مالک رحمۃ اللہ تعالیٰ علیہ کے سامنے زید بن اسلم سے (روایت) پڑھی، انہوں نے قعقاع بن حکیم سے اور انہوں نے حضرت اُمّ المؤمنین عائشہ رضی اللہ تعالیٰ عنہا کے آزاد کردہ غلام ابو یونس سے روایت کی، انہوں نے کہا: حضرت اُمّ المؤمنین عائشہ رضی اللہ تعالیٰ عنہا نے مجھے حکم دیا کہ ان کے لیے قرآن مجید لکھوں، اور فرمایا: جب تم اس آیت پر پہنچو ''حٰفِظُوا عَلَی الصَّلَوٰتِ وَالصَّلٰوةِ الْوُسْطٰی'' تو مجھے بتانا۔ چنانچہ جب میں اس آیت پر پہنچا تو انہیں آگاہ کیا، انہوں نے مجھے لکھوایا: ''حٰفِظُوا عَلَی الصَّلَوٰتِ وَالصَّلٰوةِ الْوُسْطٰی وَصَلٰوةِ الْعَصْرِ وَقُوْمُوا لِلّٰہِ قٰنِتِیْنَ'' (نمازوں کی حفاظت کرو اور خاص کر درمیانی نماز کی یعنی نماز عصر کی، اور اللہ کے حضور عاجزانہ قیام کرو)۔ حضرت اُمّ المؤمنین عائشہ رضی اللہ تعالیٰ عنہا نے فرمایا: میں نے اسے رسول اللہ صلی اللہ تعالیٰ علیہ وآلہ وسلم سے ایسے ہی سنا۔