اردو ترجمہ

ہم سے احمد بن اشقر نے بیان کیا، کہا ہم سے عمرو بن ابی قیس نے بیان کیا، ان سے سماک بن حرب نے، ان سے عبدالرحمٰن بن حضرت عبداللہ بن مسعود نے اور ان سے ان کے والد حضرت عبداللہ (بن مسعود) رضی اللہ تعالیٰ عنہ نے بیان کیا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: اللہ تعالیٰ کسی بندے کی توبہ سے اس شخص سے زیادہ خوش ہوتا ہے جو کسی بیابان سنسان جگہ میں ہو اور اس کے ساتھ سواری ہو اور سواری پر اس کا کھانا پانی ہو۔ پھر وہ سو جائے اور جب جاگے تو سواری چلی گئی ہو۔ وہ پیاس سے تڑپے اور کہے میں اپنی جگہ واپس آ جاتا ہوں جہاں تھا اور وہیں مر جاتا ہوں۔ وہ اپنا ہاتھ رکھ کر سو جائے تاکہ مر جائے۔ پھر جب جاگے تو اس کی سواری اس کے پاس موجود ہو اور اس پر اس کا کھانا پانی ہو (تو وہ بہت خوش ہو)۔ اللہ تعالیٰ توبہ کرنے والے بندے کی توبہ سے اس سے بھی زیادہ خوش ہوتا ہے۔