اردو ترجمہ

ہم سے حضرت ابونعیم نے بیان کیا، کہا ہم سے سیف نے بیان کیا، کہا میں نے مجاہد سے سنا، کہا مجھ سے عبداللہ بن سخبرہ ابومعمر نے بیان کیا، کہا میں نے حضرت ابن مسعود رضی اللہ تعالیٰ عنہ سے سنا فرماتے ہیں کہ رسول اللہ صلی اللہ تعالیٰ علیہ وآلہ وسلم نے مجھے تشہد سکھایا اور میرا ہاتھ آپ کے دونوں ہاتھوں کے درمیان تھا جیسے آپ مجھے قرآن مجید کی سورت سکھاتے تھے: "التحیات للہ والصلوات والطیبات، السلام علیک ایہا النبی ورحمۃ اللہ وبرکاتہ، السلام علینا وعلیٰ عباد اللہ الصالحین، اشھد ان لا الہ الا اللہ واشھد ان محمداً عبدہ ورسولہ۔" یہ اس وقت کی بات ہے جب آپ صلی اللہ تعالیٰ علیہ وآلہ وسلم ہمارے درمیان تشریف فرما تھے۔ جب آپ صلی اللہ تعالیٰ علیہ وآلہ وسلم نے وصال فرمایا تو ہم "السلام" کہنے لگے یعنی "السلام علی النبی" نبی کریم صلی اللہ تعالیٰ علیہ وآلہ وسلم پر سلام ہو۔