اردو ترجمہ

ہم سے حضرت ابوالولید نے بیان کیا، کہا ہم سے شعبہ نے بیان کیا، ان سے سعد بن ابراہیم نے، ان سے حضرت ابوامامہ بن سہل بن حنیف نے اور ان سے حضرت ابوسعید رضی اللہ تعالیٰ عنہ نے بیان کیا کہ بنو قریظہ حضرت سعد رضی اللہ تعالیٰ عنہ کے فیصلے پر اترے تو نبی کریم صلی اللہ تعالیٰ علیہ وآلہ وسلم نے حضرت سعد رضی اللہ تعالیٰ عنہ کو بلا بھیجا۔ وہ آئے تو آپ صلی اللہ تعالیٰ علیہ وآلہ وسلم نے فرمایا: اپنے سردار کے لیے کھڑے ہو جاؤ یا فرمایا اپنے بہتر آدمی کے لیے۔ حضرت سعد رضی اللہ تعالیٰ عنہ نبی کریم صلی اللہ تعالیٰ علیہ وآلہ وسلم کے پاس بیٹھ گئے۔ آپ صلی اللہ تعالیٰ علیہ وآلہ وسلم نے فرمایا: یہ لوگ تمہارے فیصلے پر اترے ہیں۔ حضرت سعد رضی اللہ تعالیٰ عنہ نے فرمایا میرا فیصلہ یہ ہے کہ ان کے لڑنے والوں کو قتل کیا جائے اور ان کے بچوں اور عورتوں کو قیدی بنایا جائے۔ آپ صلی اللہ تعالیٰ علیہ وآلہ وسلم نے ارشاد فرمایا: تم نے وہی فیصلہ کیا ہے جو اللہ بادشاہ نے فرمایا ہے۔