اردو ترجمہ

ہم سے آدم بن ابی ایاس نے بیان کیا، کہا ہم سے ابن ابی ذئب نے بیان کیا، ان سے زہری نے، ان سے عبیداللہ بن عبداللہ بن عتبہ نے، ان سے حضرت ابن عباس رضی اللہ تعالیٰ عنہما نے اور ان سے حضرت ابوطلحہ رضی اللہ تعالیٰ عنہ نے بیان کیا کہ نبی کریم صلی اللہ تعالیٰ علیہ وآلہ وسلم نے ارشاد فرمایا کہ رحمت کے فرشتے اس گھر میں داخل نہیں ہوتے جس میں کتا یا مورتیں ہوں۔ اور لیث بن سعد نے بیان کیا، ان سے یونس بن یزید نے، ان سے ابن شہاب نے کہا کہ مجھ کو عبیداللہ بن عبداللہ بن عتبہ نے خبر دی، انہوں نے حضرت ابن عباس رضی اللہ تعالیٰ عنہما سے سنا، وہ کہتے تھے کہ میں نے حضرت ابوطلحہ رضی اللہ تعالیٰ عنہ سے سنا، پھر انہوں نے نبی کریم صلی اللہ تعالیٰ علیہ وآلہ وسلم سے یہی حدیث نقل کی ہے۔