اردو ترجمہ

ہم سے مسدد بن مسرہد نے بیان کیا، انہوں نے کہا ہم سے یحییٰ بن سعید قطان نے بیان کیا، انہوں نے کہا ہم سے ہشام بن عروہ نے بیان کیا، انہوں نے کہا مجھ سے میرے والد (عروہ بن حضرت زبیر) نے حضرت اُمّ المؤمنین عائشہ صدیقہ رضی اللہ تعالیٰ عنہا سے بیان کیا، آپ نے فرمایا: نبی کریم صلی اللہ تعالیٰ علیہ وآلہ وسلم نماز پڑھتے رہتے اور میں آپ صلی اللہ تعالیٰ علیہ وآلہ وسلم کے سامنے بستر پر آڑی سوئی ہوئی ہوتی۔ جب آپ صلی اللہ تعالیٰ علیہ وآلہ وسلم وتر پڑھنا چاہتے تو مجھے بھی جگا دیتے اور میں بھی وتر پڑھ لیتی تھی۔