اردو ترجمہ

حضرت عمر بن خطاب رضی اللہ تعالیٰ عنہ سے روایت ہے کہ ایک یہودی نے ان سے کہا: اے امیرالمؤمنین! تمہاری کتاب میں ایک آیت ہے جسے تم پڑھتے ہو، اگر وہ ہم یہودیوں پر نازل ہوتی تو ہم اس دن کو عید بنا لیتے۔ حضرت عمر رضی اللہ تعالیٰ عنہ نے فرمایا: کون سی آیت؟ اس نے کہا: «الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِينًا» (آج میں نے تمہارا دین مکمل کر دیا اور اپنی نعمت تم پر تمام کر دی اور تمہارے لیے اسلام کو دین کے طور پر پسند فرمایا)۔ حضرت عمر رضی اللہ تعالیٰ عنہ نے فرمایا: ہم اس دن اور اس مقام کو خوب جانتے ہیں جب یہ آیت نبی کریم صلی اللہ تعالیٰ علیہ وآلہ وسلم پر نازل ہوئی، اس وقت آپ صلی اللہ تعالیٰ علیہ وآلہ وسلم جمعے کے دن عرفات میں کھڑے تھے۔