اردو ترجمہ

ہم سے ابراہیم بن موسیٰ نے بیان کیا، کہا ہمیں ہشام بن یوسف نے خبر دی کہ ابن جریج رحمۃ اللہ تعالیٰ علیہ نے انہیں خبر دی، کہا مجھے ہشام نے عروہ رحمۃ اللہ تعالیٰ علیہ سے خبر دی کہ ان سے پوچھا گیا کہ کیا حائضہ عورت میری خدمت کر سکتی ہے یا جنابت کی حالت میں عورت مجھ سے قریب ہو سکتی ہے؟ عروہ رحمۃ اللہ تعالیٰ علیہ نے فرمایا یہ سب میرے نزدیک آسان ہے، یہ سب عورتیں میری خدمت کرتی ہیں اور کسی کے لیے اس میں کوئی حرج نہیں۔ مجھے حضرت اُمّ المؤمنین عائشہ رضی اللہ تعالیٰ عنہا نے خبر دی کہ وہ حالتِ حیض میں رسول اللہ صلی اللہ تعالیٰ علیہ وآلہ وسلم کے سر مبارک میں کنگھا کیا کرتی تھیں جبکہ رسول اللہ صلی اللہ تعالیٰ علیہ وآلہ وسلم اس وقت مسجد میں معتکف ہوتے تھے۔ آپ صلی اللہ تعالیٰ علیہ وآلہ وسلم اپنا سر مبارک ان کے حجرے میں داخل فرما دیتے اور وہ حیض کی حالت میں آپ صلی اللہ تعالیٰ علیہ وآلہ وسلم کے سر مبارک میں کنگھا فرماتیں۔