اردو ترجمہ

ہم سے اسماعیل بن عبداللہ نے بیان کیا، انہوں نے فرمایا کہ مجھے میرے بھائی نے خبر دی، انہیں سلیمان نے، انہیں محمد بن ابی عتیق نے، انہیں ابن شہاب نے، انہیں حضرت علی بن حسین رضی اللہ تعالیٰ عنہما نے فرمایا کہ حضرت اُمّ المؤمنین صفیہ رضی اللہ تعالیٰ عنہا نے انہیں خبر دی (دوسری سند) اور ہم سے علی بن عبداللہ نے بیان کیا، ان سے سفیان بن عیینہ نے بیان کیا، فرمایا کہ میں نے زہری سے سنا۔ وہ حضرت علی بن حسین رضی اللہ تعالیٰ عنہما سے خبر دیتے تھے کہ حضرت اُمّ المؤمنین صفیہ رضی اللہ تعالیٰ عنہا نبی کریم صلی اللہ تعالیٰ علیہ وآلہ وسلم کے یہاں آئیں۔ آپ صلی اللہ تعالیٰ علیہ وآلہ وسلم اس وقت اعتکاف میں تھے۔ پھر جب وہ واپس ہونے لگیں تو آپ بھی ان کے ساتھ (تھوڑی دور تک انہیں چھوڑنے) آئے۔ (آتے ہوئے) ایک انصاری صحابی رضی اللہ تعالیٰ عنہ نے آپ کو دیکھا۔ جب نبی کریم صلی اللہ تعالیٰ علیہ وآلہ وسلم کی نظر ان پر پڑی، تو فوراً آپ صلی اللہ تعالیٰ علیہ وآلہ وسلم نے انہیں بلایا، کہ سنو! یہ (میری بیوی) حضرت اُمّ المؤمنین صفیہ رضی اللہ تعالیٰ عنہا ہیں۔ (سفیان نے ہی صفیہ کے بجائے بعض اوقات «هذه صفية» کے الفاظ فرمائے۔ (اس کی وضاحت اس لیے ضروری سمجھی) کہ شیطان انسان کے جسم میں خون کی طرح دوڑتا رہتا ہے۔ میں (علی بن عبداللہ) نے سفیان سے پوچھا کہ غالباً وہ رات کو آئی ہوں گی؟ تو انہوں نے فرمایا کہ رات کے سوا اور وقت ہی کون سا ہو سکتا تھا۔