Urdu Translation

ہم سے قتیبہ بن سعید نے حدیث بیان کی، کہا ہم سے مغیرہ یعنی حزامی نے ابو الزناد سے، انہوں نے اعرج سے، انہوں نے حضرت ابو ہریرہ رضی اللہ تعالیٰ عنہ سے روایت کی کہ نبی اکرم صلی اللہ تعالیٰ علیہ وآلہ وسلم نے ارشاد فرمایا: "جب نماز کے لیے اذان دی جاتی ہے تو شیطان ریاح خارج کرتا ہوا پیٹھ پھیر کر بھاگ جاتا ہے تاکہ اذان نہ سنے، پھر جب اذان مکمل ہو جاتی ہے تو واپس آ جاتا ہے، یہاں تک کہ جب نماز کی اقامت کہی جاتی ہے تو (پھر) پیٹھ پھیر کر بھاگ جاتا ہے، یہاں تک کہ جب اقامت ختم ہو جاتی ہے تو واپس آ جاتا ہے اور انسان اور اس کے دل کے درمیان حائل ہو جاتا ہے، اسے کہتا ہے: فلاں بات یاد کرو، فلاں بات یاد کرو — وہ باتیں جو اسے پہلے یاد نہ تھیں — یہاں تک کہ آدمی کو پتا ہی نہیں چلتا کہ اس نے کتنی رکعتیں پڑھی ہیں۔"