Urdu Translation

اسماعیل بن ابراہیم نے داود سے، انہوں نے شعبی رحمۃ اللہ تعالیٰ علیہ سے اور انہوں نے مسروق رحمۃ اللہ تعالیٰ علیہ سے روایت کی، کہا: میں حضرت اُمّ المؤمنین عائشہ رضی اللہ تعالیٰ عنہا کی خدمت میں ٹیک لگائے ہوئے بیٹھا تھا کہ حضرت اُمّ المؤمنین عائشہ رضی اللہ تعالیٰ عنہا نے فرمایا: ابو حضرت اُمّ المؤمنین عائشہ! (یہ مسروق کی کنیت ہے) تین چیزیں ہیں، جس نے ان میں سے کوئی بات کہی اس نے اللہ تعالیٰ پر بہت بڑا بہتان باندھا۔ میں نے پوچھا: وہ باتیں کون سی ہیں؟ انہوں نے فرمایا: جس نے یہ گمان کیا کہ محمد صلی اللہ تعالیٰ علیہ وآلہ وسلم نے اپنے رب کو (آنکھوں سے) دیکھا ہے تو اس نے اللہ تعالیٰ پر بہت بڑا بہتان باندھا۔ مسروق رحمۃ اللہ تعالیٰ علیہ نے کہا: میں ٹیک لگائے ہوئے تھا تو (یہ بات سن کر) بیٹھ گیا اور عرض کیا: اے امّ المؤمنین! ذرا ٹھہریں، جلدی نہ فرمائیں۔ کیا اللہ تعالیٰ نے نہیں فرمایا: ''اور بلا شبہ آپ نے اسے روشن افق پر دیکھا'' اور ''اور بلا شبہ آپ نے اسے ایک اور بار اترتے ہوئے دیکھا''؟ حضرت اُمّ المؤمنین عائشہ رضی اللہ تعالیٰ عنہا نے فرمایا: اس امت میں سب سے پہلے اس بارے میں رسول اللہ صلی اللہ تعالیٰ علیہ وآلہ وسلم سے پوچھنے والی میں ہوں۔ آپ صلی اللہ تعالیٰ علیہ وآلہ وسلم نے ارشاد فرمایا: ''وہ تو جبرائیل (علیہ السلام) ہیں، میں نے انہیں ان کی اصل صورت میں صرف دو بار دیکھا ہے، میں نے انہیں آسمان سے اترتے ہوئے دیکھا اور ان کی عظیم ہیئت نے آسمان و زمین کے درمیان کی فضا کو بھر دیا تھا۔'' حضرت اُمّ المؤمنین عائشہ رضی اللہ تعالیٰ عنہا نے فرمایا: کیا تم نے نہیں سنا کہ اللہ تعالیٰ فرماتا ہے: ''نگاہیں اس کو نہیں پا سکتیں اور وہ نگاہوں کو پا لیتا ہے اور وہ باریک بین، خبردار ہے۔'' حضرت اُمّ المؤمنین عائشہ رضی اللہ تعالیٰ عنہا نے فرمایا: اور کیا تم نے نہیں سنا کہ اللہ تعالیٰ فرماتا ہے: ''اور کسی بشر کی یہ مجال نہیں کہ اللہ اس سے کلام فرمائے مگر وحی کے ذریعے یا پردے کے پیچھے سے، یا کوئی فرشتہ بھیجے جو اس کے اذن سے جو وہ چاہے وحی کرے۔'' حضرت اُمّ المؤمنین عائشہ رضی اللہ تعالیٰ عنہا نے فرمایا: اور جس نے یہ گمان کیا کہ رسول اللہ صلی اللہ تعالیٰ علیہ وآلہ وسلم نے کتاب اللہ میں سے کچھ چھپایا ہے، اس نے اللہ تعالیٰ پر بہت بڑا بہتان باندھا، اللہ تعالیٰ فرماتا ہے: ''اے رسول! جو کچھ آپ کے رب کی طرف سے آپ کی طرف نازل کیا گیا ہے وہ پہنچا دیجیے۔'' حضرت اُمّ المؤمنین عائشہ رضی اللہ تعالیٰ عنہا نے فرمایا: اور جس نے یہ گمان کیا کہ آپ صلی اللہ تعالیٰ علیہ وآلہ وسلم کل کی خبر دیتے تھے، اس نے اللہ تعالیٰ پر بہت بڑا بہتان باندھا، اللہ تعالیٰ فرماتا ہے: ''کہہ دیجیے کہ آسمانوں اور زمین میں غیب نہیں جانتا کوئی سوائے اللہ کے۔''