Urdu Translation

حضرت محجن رضی اللہ تعالیٰ عنہ سے روایت ہے کہ وہ حضور نبی اکرم صلی اللہ تعالیٰ علیہ وآلہ وسلم کے ساتھ ایک مجلس میں تھے۔ اذان ہوئی تو حضور نبی اکرم صلی اللہ تعالیٰ علیہ وآلہ وسلم نماز پڑھنے تشریف لے گئے اور واپس آئے جبکہ محجن اپنی جگہ بیٹھے تھے۔ حضور نبی اکرم صلی اللہ تعالیٰ علیہ وآلہ وسلم نے ان سے فرمایا: تجھے لوگوں کے ساتھ نماز پڑھنے سے کس چیز نے روکا؟ کیا تو مسلمان نہیں ہے؟ انہوں نے عرض کیا: جی ہاں یا رسول اللہ! لیکن میں اپنے گھر والوں کے ساتھ نماز پڑھ چکا تھا۔ حضور نبی اکرم صلی اللہ تعالیٰ علیہ وآلہ وسلم نے ارشاد فرمایا: جب تو آئے تو لوگوں کے ساتھ نماز پڑھ اگرچہ تو نماز پڑھ چکا ہو۔