Urdu Translation

حضرت عبداللہ بن مسعود رضی اللہ تعالیٰ عنہ فرماتے ہیں: (ایک مرتبہ) میں نبی کریم صلی اللہ تعالیٰ علیہ وآلہ وسلم کے ساتھ مدینے کے کھنڈرات میں چل رہا تھا اور آپ صلی اللہ تعالیٰ علیہ وآلہ وسلم کھجور کی ایک چھڑی پر سہارا لے کر تشریف لے جا رہے تھے۔ کچھ یہودیوں کے پاس سے گزر ہوا۔ ان میں سے بعض نے بعض سے کہا: آپ سے روح کے بارے میں پوچھو۔ بعض نے کہا: مت پوچھو، کہیں ایسا نہ ہو کہ کوئی ناگوار بات سامنے آ جائے۔ بعض نے کہا: ہم ضرور پوچھیں گے۔ تو ایک شخص نے کھڑے ہو کر کہا: اے ابو القاسم! روح کیا ہے؟ آپ صلی اللہ تعالیٰ علیہ وآلہ وسلم خاموش رہے۔ میں نے (دل میں) کہا: آپ پر وحی نازل ہو رہی ہے۔ تو میں (ادب سے) کھڑا رہا۔ جب وہ کیفیت دور ہوئی تو آپ صلی اللہ تعالیٰ علیہ وآلہ وسلم نے (یہ آیت) تلاوت فرمائی: «وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا» (اور آپ سے روح کے بارے میں پوچھتے ہیں، فرما دیجیے: روح میرے رب کے حکم سے ہے اور تمہیں علم کا بہت تھوڑا حصہ دیا گیا ہے)۔