Urdu Translation

حضرت عبداللہ بن عباس رضی اللہ تعالیٰ عنہما سے روایت ہے، آیتِ کریمہ «وعلى الذين يطيقونه فدية طعام مسكين» (اور جو لوگ اس کی طاقت رکھتے ہیں وہ فدیے میں ایک مسکین کا کھانا دیں) کے بارے میں فرمایا: ان میں سے جو شخص چاہتا کہ ایک مسکین کو کھانا کھلا کر فدیہ دے دے، وہ ایسا کرتا اور اس کا روزہ پورا ہو جاتا۔ پھر اللہ تعالیٰ نے فرمایا: «فمن تطوع خيرا فهو خير له وأن تصوموا خير لكم» (جو نیکی میں زیادتی کرے تو وہ اس کے لیے بہتر ہے، اور تمہارا روزہ رکھنا تمہارے لیے بہتر ہے)۔ اور فرمایا: «فمن شهد منكم الشهر فليصمه ومن كان مريضا أو على سفر فعدة من أيام أخر» (تم میں سے جو شخص یہ مہینہ پائے تو اس کے روزے رکھے، اور جو بیمار ہو یا سفر پر ہو تو دوسرے دنوں میں گنتی پوری کرے)۔