الترجمة الأردية

حضرت علی المرتضیٰ کرّم اللہ تعالیٰ وجہہ الکریم فرماتے ہیں کہ ایک رات رسول اللہ صلی اللہ تعالیٰ علیہ وآلہ وسلم نماز پڑھ رہے تھے، آپ نے اپنا ہاتھ زمین پر رکھا تو ایک بچھو نے ڈنک مارا۔ رسول اللہ صلی اللہ تعالیٰ علیہ وآلہ وسلم نے اپنے جوتے سے مار کر اسے ہلاک کر دیا۔ جب نماز سے فارغ ہوئے تو ارشاد فرمایا: اللہ بچھو پر لعنت کرے، یہ نمازی کو نہیں چھوڑتا اور نہ کسی اور کو، نبی کو نہیں چھوڑتا اور نہ کسی اور کو۔ پھر نمک اور پانی منگوایا اور برتن میں ڈال کر اپنی انگلی پر جہاں ڈنک لگا تھا ڈالنے لگے اور مسح کرنے لگے اور معوذتین سے پناہ مانگتے رہے۔ بیہقی نے دونوں حدیثیں شعب الایمان میں روایت کیا۔