الترجمة الأردية

سیدنا زید بن خالد جہنی رضی اللہ عنہ نے بیان کیا کہ نبی کریمصلی اللہ علیہ وسلمنے ہمیں حدیبیہ میں صبح کی نماز پڑھائی اور رات کو بارش ہو چکی تھی، نماز سے فارغ ہونے کے بعد آپصلی اللہ علیہ وسلمنے لوگوں کی طرف منہ کیا اور فرمایا:”معلوم ہے تمہارے رب نے کیا فرمایا ہے؟“لوگوں نے کہا کہ اللہ اور اس کے رسولصلی اللہ علیہ وسلمخوب جانتے ہیں، (آپصلی اللہ علیہ وسلمنے فرمایا کہ) تمہارے رب کا ارشاد ہے:”صبح ہوئی تو میرے کچھ بندے مجھ پر ایمان لائے اور کچھ میرے منکر ہوئے۔ جس نے کہا کہ اللہ کے فضل اور اس کی رحمت سے ہمارے لیے بارش ہوئی تو وہ مجھ پر ایمان رکھتا ہے اور ستاروں کا منکر ہے، اور جس نے کہا کہ فلاں تارے کے فلاں جگہ پر آنے سے بارش ہوئی وہ میرا منکر ہے اور ستاروں پر ایمان رکھتا ہے۔“[اللؤلؤ والمرجان/كتاب الايمان/حدیث: 46]