الترجمة الأردية

سیدنا جابر بن عبداللہ رضی اللہ عنہما نے بیان کیا کہ سیدنا معاذ بن جبل رضی اللہ عنہ نبی کریمصلی اللہ علیہ وسلمکے ساتھ نماز پڑھتے، پھر اپنی قوم میں آتے اور انہیں نماز پڑھاتے۔ انہوں نے (ایک مرتبہ) نماز میں سورہ بقرہ پڑھی، اس پر ایک صاحب جماعت سے الگ ہو گئے اور ہلکی نماز پڑھی۔ جب اس کے متعلق سیدنا معاذ رضی اللہ عنہ کو معلوم ہوا تو کہا:”وہ منافق ہے“۔ ان کی یہ بات جب ان صاحب کو معلوم ہوئی تو وہ رسول اللہصلی اللہ علیہ وسلمکی خدمت میں حاضر ہوئے اور عرض کیا:”یا رسول اللہ! ہم لوگ محنت کا کام کرتے ہیں اور اپنی اونٹنیوں کو خود پانی پلاتے ہیں، معاذ (رضی اللہ عنہ) نے کل رات ہمیں نماز پڑھائی اور سورہ بقرہ پڑھنی شروع کر دی، اس لیے میں نماز توڑ کر الگ ہو گیا، اس پر وہ کہتے ہیں کہ میں منافق ہوں“۔ رسول اللہصلی اللہ علیہ وسلمنے فرمایا:”اے معاذ! کیا تم لوگوں کو فتنے میں مبتلا کرتے ہو؟“تین مرتبہ آپصلی اللہ علیہ وسلمنے یہ فرمایا:”(جب امام ہو تو) سورہ﴿اقْرَأْ بِاسْمِ رَبِّكَ﴾[سورة العلق: 1]،﴿وَالشَّمْسِ وَضُحَاهَا﴾[سورة الشمس: 1]اور﴿سَبِّحِ اسْمَ رَبِّكَ الْأَعْلَى﴾[سورة الأعلى: 1]جیسی سورتیں پڑھا کرو۔“[اللؤلؤ والمرجان/كتاب الصلاة/حدیث: 266]