الترجمة الأردية

ہم سے سعید بن ابی مریم نے بیان کیا، کہا ہم سے ابوغسان نے بیان کیا، کہا کہ مجھ سے ابوحازم نے بیان کیا اور ان سے سہل رضی اللہ تعالیٰ عنہ نے بیان کیا کہ منذر بن ابی اسید رضی اللہ تعالیٰ عنہ کی ولادت ہوئی تو انہیں نبی کریم صلی اللہ تعالیٰ علیہ وآلہ وسلم کے پاس لایا گیا۔ نبی کریم صلی اللہ تعالیٰ علیہ وآلہ وسلم نے بچہ کو اپنی ران پر رکھ لیا۔ ابواسید رضی اللہ تعالیٰ عنہ بیٹھے ہوئے تھے۔ نبی کریم صلی اللہ تعالیٰ علیہ وآلہ وسلم کسی چیز میں جو سامنے تھی مصروف ہو گئے ( اور بچہ کی طرف توجہ ہٹ گئی ) ۔ ابواسید رضی اللہ تعالیٰ عنہ نے بچہ کے متعلق حکم دیا اور نبی کریم صلی اللہ تعالیٰ علیہ وآلہ وسلم کی ران سے اٹھا لیا گیا۔ پھر جب نبی کریم صلی اللہ تعالیٰ علیہ وآلہ وسلم متوجہ ہوئے تو فرمایا کہ بچہ کہاں ہے؟ ابواسید رضی اللہ تعالیٰ عنہ نے عرض کیا: یا رسول اللہ! ہم نے اسے گھر بھیج دیا۔ نبی کریم صلی اللہ تعالیٰ علیہ وآلہ وسلم نے پوچھا: اس کا نام کیا ہے؟ عرض کیا کہ فلاں۔ نبی کریم صلی اللہ تعالیٰ علیہ وآلہ وسلم نے ارشاد فرمایا، بلکہ اس کا نام منذر ہے۔ چنانچہ اسی دن نبی کریم صلی اللہ تعالیٰ علیہ وآلہ وسلم نے ان کا یہی نام منذر رکھا۔