الترجمة الأردية

ہم سے قتیبہ بن سعید نے بیان کیا، کہا ہم سے لیث بن سعد نے بیان کیا، ان سے ابن ابی ملیکہ نے اور ان سے مسور بن مخرمہ رضی اللہ تعالیٰ عنہ نے بیان کیا کہ رسول اللہ صلی اللہ تعالیٰ علیہ وآلہ وسلم نے چند قبائیں تقسیم کیں اور مخرمہ رضی اللہ تعالیٰ عنہ کو کچھ نہیں دیا تو مخرمہ رضی اللہ تعالیٰ عنہ نے کہا بیٹے ہمیں رسول اللہ صلی اللہ تعالیٰ علیہ وآلہ وسلم کے پاس لے چلو چنانچہ میں اپنے والد کو ساتھ لے کر چلا، انہوں نے مجھ سے کہا کہ اندر جاؤ اور نبی کریم صلی اللہ تعالیٰ علیہ وآلہ وسلم سے میرا ذکر کر دو۔ میں نے نبی کریم صلی اللہ تعالیٰ علیہ وآلہ وسلم سے مخرمہ رضی اللہ تعالیٰ عنہ کا ذکر کیا تو آپ باہر تشریف لائے۔ نبی کریم صلی اللہ تعالیٰ علیہ وآلہ وسلم انہیں قباؤں میں سے ایک قباء لیے ہوئے تھے۔ آپ صلی اللہ تعالیٰ علیہ وآلہ وسلم نے ارشاد فرمایا کہ یہ میں نے تمہارے ہی لیے رکھ چھوڑی تھی۔ مسور نے بیان کیا کہ مخرمہ رضی اللہ تعالیٰ عنہ نے نبی کریم صلی اللہ تعالیٰ علیہ وآلہ وسلم کی طرف دیکھا تو نبی کریم صلی اللہ تعالیٰ علیہ وآلہ وسلم نے ارشاد فرمایا کہ مخرمہ خوش ہو گئے۔