الترجمة الأردية

مجھ سے عبداللہ بن منیر نے بیان کیا، انہوں نے نضر سے سنا، انہیں ابن عون نے خبر دی، کہا کہ مجھے ثمامہ بن عبداللہ بن انس نے خبر دی اور ان سے انس رضی اللہ تعالیٰ عنہ نے بیان کیا کہ میں نوعمر تھا اور رسول اللہ صلی اللہ تعالیٰ علیہ وآلہ وسلم کے ساتھ رہتا تھا۔ نبی کریم صلی اللہ تعالیٰ علیہ وآلہ وسلم اپنے ایک درزی غلام کے پاس تشریف لے گئے۔ وہ ایک پیالہ لایا جس میں کھانا تھا اور اوپر کدو کے قتلے تھے۔ آپ کدو تلاش کرنے لگے۔ انس رضی اللہ تعالیٰ عنہ نے بیان کیا کہ جب میں نے یہ دیکھا تو کدو کے قتلے آپ کے سامنے جمع کر کے رکھنے لگا۔ انس رضی اللہ تعالیٰ عنہ نے بیان کیا کہ ( پیالہ نبی کریم صلی اللہ تعالیٰ علیہ وآلہ وسلم کے سامنے رکھنے کے بعد ) غلام اپنے کام میں لگ گیا۔ انس رضی اللہ تعالیٰ عنہ نے بیان کیا کہ اسی وقت سے میں کدو پسند کرنے لگا، جب میں نے نبی کریم صلی اللہ تعالیٰ علیہ وآلہ وسلم کا یہ عمل دیکھا۔