الترجمة الأردية

ہم سے عمر بن حفص بن غیاث نے بیان کیا، انہوں نے کہا مجھ سے میرے والد نے بیان کیا، انہوں نے کہا ہم سے اعمش نے بیان کیا، انہوں نے کہا ہم سے ابراہیم نے اسود سے بیان کیا، انہوں نے حضرت اُمّ المؤمنین عائشہ صدیقہ رضی اللہ تعالیٰ عنہا سے — (دوسری سند) اور اعمش نے کہا مجھ سے مسلم بن صبیح نے مسروق کے واسطے سے بیان کیا، انہوں نے حضرت اُمّ المؤمنین عائشہ صدیقہ رضی اللہ تعالیٰ عنہا سے کہ آپ کے سامنے ان چیزوں کا ذکر ہوا جو نماز توڑ دیتی ہیں یعنی کتا، گدھا اور عورت۔ آپ نے فرمایا: تم لوگوں نے ہمیں گدھوں اور کتوں کے برابر کر دیا! اللہ تعالیٰ کی قسم! میں نے نبی کریم صلی اللہ تعالیٰ علیہ وآلہ وسلم کو نماز پڑھتے دیکھا، میں چارپائی پر آپ صلی اللہ تعالیٰ علیہ وآلہ وسلم کے اور قبلے کے بیچ میں لیٹی ہوئی تھی۔ مجھے کوئی ضرورت پیش آتی تو چونکہ یہ بات پسند نہیں تھی کہ آپ صلی اللہ تعالیٰ علیہ وآلہ وسلم کے سامنے بیٹھوں اور اس طرح آپ صلی اللہ تعالیٰ علیہ وآلہ وسلم کو تکلیف ہو، اس لیے میں آپ صلی اللہ تعالیٰ علیہ وآلہ وسلم کے پاؤں کی طرف سے آہستگی سے نکل جاتی تھی۔