الترجمة الأردية

ہم سے عبداللہ بن یوسف نے بیان کیا، انہوں نے کہا ہمیں امام مالک رحمۃ اللہ تعالیٰ علیہ نے اسحاق بن عبداللہ بن ابی حضرت طلحہ سے خبر دی، کہ ابومرہ جو عقیل بن ابی طالب کے آزاد کردہ غلام تھے، انہوں نے حضرت ابوواقد لیثی رضی اللہ تعالیٰ عنہ سے روایت کیا۔ انہوں نے فرمایا: رسول اللہ صلی اللہ تعالیٰ علیہ وآلہ وسلم مسجد میں تشریف فرما تھے کہ تین آدمی آئے۔ دو رسول اللہ صلی اللہ تعالیٰ علیہ وآلہ وسلم کی مجلس کی طرف بڑھے اور تیسرا چلا گیا۔ ان دو میں سے ایک نے حلقے میں خالی جگہ دیکھ کر وہاں بیٹھ گیا، دوسرا پیچھے بیٹھ گیا۔ جب رسول اللہ صلی اللہ تعالیٰ علیہ وآلہ وسلم فارغ ہوئے تو ارشاد فرمایا: کیا میں تمہیں ان تینوں کے بارے میں نہ بتاؤں؟ ایک اللہ کی طرف بڑھا تو اللہ نے اسے جگہ دی۔ دوسرے نے حیا کی تو اللہ نے بھی اس سے حیا فرمائی (اور اسے اپنی رحمت میں ڈھانپ لیا)۔ اور تیسرے نے منہ پھیر لیا تو اللہ نے بھی اس سے منہ پھیر لیا۔