الترجمة الأردية

ہم سے مسدد نے بیان کیا، کہا ہم سے یحییٰ بن سعید قطان نے بیان کیا، ان سے ہشام بن ابی عبداللہ نے، ان سے یحییٰ بن ابی کثیر نے، ان سے حضرت ابوسلمہ نے، ان سے حضرت اُمّ المؤمنین ام سلمہ رضی اللہ تعالیٰ عنہا کی بیٹی زینب نے اور ان سے ان کی والدہ (حضرت اُمّ المؤمنین ام سلمہ رضی اللہ تعالیٰ عنہا) نے فرمایا کہ میں رسول اللہ صلی اللہ تعالیٰ علیہ وآلہ وسلم کے ساتھ ایک چادر میں (لیٹی ہوئی) تھی کہ مجھے حیض آ گیا۔ اس لیے میں چپکے سے نکل آئی اور اپنا حیض کا کپڑا پہن لیا۔ آپ صلی اللہ تعالیٰ علیہ وآلہ وسلم نے دریافت فرمایا: کیا بات ہوئی؟ کیا حیض آ گیا ہے؟ میں نے عرض کیا: ہاں۔ پھر میں آپ صلی اللہ تعالیٰ علیہ وآلہ وسلم کے ساتھ اسی چادر میں چلی گئی۔ اور حضرت اُمّ المؤمنین ام سلمہ رضی اللہ تعالیٰ عنہا اور رسول اللہ صلی اللہ تعالیٰ علیہ وآلہ وسلم ایک ہی برتن سے غسل جنابت کیا کرتے تھے اور نبی کریم صلی اللہ تعالیٰ علیہ وآلہ وسلم روزے سے ہونے کے باوجود ان کا بوسہ لیتے تھے۔