الترجمة الأردية

ہم سے بیان بن عمرو نے بیان کیا، انہوں نے کہا کہ ہم سے یزید بن ہارون نے بیان کیا، انہوں نے کہا کہ ہم سے جریر بن حازم نے بیان کیا، انہوں نے کہا کہ ہم سے یزید بن رومان نے بیان کیا، ان سے حضرت عروہ رحمۃ اللہ تعالیٰ علیہ نے اور ان سے حضرت اُمّ المؤمنین عائشہ صدیقہ رضی اللہ تعالیٰ عنہا نے فرمایا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا، اے حضرت اُمّ المؤمنین عائشہ! اگر تیری قوم کا زمانۂ جاہلیت ابھی تازہ نہ ہوتا تو میں بیت اللہ کو گرانے کا حکم دے دیتا تاکہ (نئی تعمیر میں) اس حصے کو بھی داخل کر دوں جو اس سے باہر رہ گیا ہے، اور اس کی کرسی زمین کے برابر کر دوں اور اس کے دو دروازے بنا دوں، ایک مشرق میں اور ایک مغرب میں، اس طرح حضرت ابراہیم علیہ السلام کی بنیاد پر اس کی تعمیر ہو جاتی۔ حضرت عبداللہ بن حضرت زبیر رضی اللہ تعالیٰ عنہما کا کعبہ کو گرانے سے یہی مقصد تھا۔ یزید نے بیان کیا کہ میں اس وقت موجود تھا جب حضرت عبداللہ بن حضرت زبیر رضی اللہ تعالیٰ عنہما نے اسے گرایا اور نئی تعمیر کر کے حطیم کو اس کے اندر شامل کر دیا۔ میں نے حضرت ابراہیم علیہ السلام کی تعمیر کے پائے بھی دیکھے جو اونٹ کی کوہان کی طرح تھے۔ جریر بن حازم نے کہا کہ میں نے ان سے پوچھا ان پایوں کی جگہ کہاں ہے؟ انہوں نے فرمایا کہ میں ابھی دکھاتا ہوں، چنانچہ میں ان کے ساتھ حطیم میں گیا اور انہوں نے ایک جگہ کی طرف اشارہ کر کے فرمایا کہ یہ وہ جگہ ہے۔ جریر نے کہا کہ میں نے اندازہ لگایا تو وہ جگہ حطیم میں سے چھ ہاتھ ہو گی یا ایسی ہی کچھ۔