الترجمة الأردية

ہم سے مسدد نے بیان کیا، کہا ہم سے حماد بن زید نے بیان کیا، ان سے عمرو اور ایوب نے، ان سے سعید بن جبیر نے اور ان سے حضرت عبداللہ بن عباس رضی اللہ تعالیٰ عنہما نے فرمایا کہ ایک شخص نبی کریم صلی اللہ تعالیٰ علیہ وآلہ وسلم کے ساتھ میدان عرفات میں وقوف کیے ہوئے تھا کہ اپنی سواری سے گر پڑا۔ ایوب نے فرمایا کہ سواری نے اس کی گردن توڑ دی اور عمرو نے فرمایا کہ سواری نے اسے گرتے ہی ہلاک کر دیا، چنانچہ اس کا انتقال ہو گیا۔ آپ صلی اللہ تعالیٰ علیہ وآلہ وسلم نے ارشاد فرمایا: اسے پانی اور بیری کے پتوں سے غسل دو اور دو کپڑوں میں کفن دو، نہ خوشبو لگاؤ اور نہ سر ڈھکو کیونکہ یہ قیامت کے دن اٹھایا جائے گا — ایوب نے فرمایا «یُلَبِّی» (یعنی لبیک کہتا ہوا) اور عمرو نے «مُلَبِّیًا» (لبیک پکارتے ہوئے) کا لفظ نقل کیا۔