اردو ترجمہ

ابوحازم کہتے ہیں کہ سہل بن سعد رضی اللہ تعالیٰ عنہ سے پوچھا گیا اور میں سن رہا تھا کہ رسول اللہ صلی اللہ تعالیٰ علیہ وآلہ وسلم کے زخم کا کس چیز سے علاج کیا گیا؟ انہوں نے کہا: اس چیز کو مجھ سے زیادہ جاننے والا اب کوئی باقی نہیں ہے، علی المرتضیٰ کرّم اللہ تعالیٰ وجہہ الکریم اپنی ڈھال میں پانی لا رہے تھے، جب کہ فاطمہ رضی اللہ تعالیٰ عنہا آپ کے زخم سے خون دھو رہی تھیں اور میں آپ کے لیے ٹاٹ جلا رہا تھا، پھر اسی کی راکھ سے آپ کا زخم بھرا گیا۔ امام ترمذی فرماتے ہیں: یہ حدیث حسن صحیح ہے۔