اردو ترجمہ

سیدنا ابوہریرہ رضی اللہ عنہ سے روایت ہے کہ رسول اللہصلی اللہ علیہ وسلمنے فرمایا:”اللہ تعالیٰ نے جبرائیل علیہ السلام کو پکارا اور انہیں جنت کی طرف بھیجا اور فرمایا: اس کی طرف دیکھو اور ان انعامات کو دیکھو جو میں نے اس میں اس کے مکینوں کے لیے تیار کیے ہیں، انہوں نے (دیکھ کر) عرض کیا: (اے اللہ!) تیری عزت کی قسم! جو بھی اس کے بارے میں سنے گا وہ اس میں ضرور داخل ہو جائے گا، پھر اللہ نے اسے ناگوار چیزوں (مشقتوں) سے ڈھانپ دیا، پھر فرمایا: اس کی طرف دوبارہ جاؤ اور دیکھو، وہ واپس آئے تو عرض کیا: تیری عزت کی قسم! اب تو مجھے یہ اندیشہ ہے کہ اس میں کوئی بھی داخل نہیں ہو سکے گا۔“یہ حدیث امام مسلم کی شرط پر صحیح ہے، لیکن ان دونوں (امام بخاری و مسلم) نے اس کی تخریج نہیں کی ہے۔ حماد بن سلمہ نے محمد بن عمرو کے واسطے سے زائد الفاظ کے ساتھ بھی اسے روایت کیا ہے:[المستدرك على الصحيحين/كتاب الإيمان/حدیث: 71]