اردو ترجمہ

محمد بن جعفر نے کہا : ہمیں شعبہ نے حدیث بیان کی ، کہا : میں نے ابو اسحاق ہمدانی سے سنا ، کہہ رہے تھے : میں نے حضرت براء رضی اللہ تعالیٰ عنہ کو یہ کہتے ہوئےسنا : کہ جب رسول اللہ صلی اللہ تعالیٰ علیہ وآلہ وسلم مکہ سے مدینہ کو آئے تو سراقہ بن مالک نے ( مشرکوں کی طرف سے ) آپ صلی اللہ تعالیٰ علیہ وآلہ وسلم کا پیچھا کیا ۔ آپ صلی اللہ تعالیٰ علیہ وآلہ وسلم نے اس کے لئے بددعا کی تو اس کا گھوڑا ( زمین میں ) دھنس گیا ( یعنی زمین نے اس کو پکڑ لیا ) ۔ وہ بولا کہ آپ میرے لئے دعا کیجئے میں آپ کو نقصان نہیں پہنچاؤں گا ۔ آپ صلی اللہ تعالیٰ علیہ وآلہ وسلم نے اللہ سے دعا کی ( تو اس کو نجات ملی ) پھر آپ صلی اللہ تعالیٰ علیہ وآلہ وسلم کو پیاس لگی اور آپ صلی اللہ تعالیٰ علیہ وآلہ وسلم بکریوں کے چرواہے کے قریب سے گزرے ۔ سیدنا حضرت ابوبکر رضی اللہ تعالیٰ عنہ نے کہا کہ میں نے پیالہ لیا اور تھوڑا سا دودھ آپ صلی اللہ تعالیٰ علیہ وآلہ وسلم کے لئے دوہا اور لے کر آپ صلی اللہ تعالیٰ علیہ وآلہ وسلم کے پاس آیا ، آپ رضی اللہ تعالیٰ عنہ نے پیا ، یہاں تک کہ میں خوش ہو گیا ۔