اردو ترجمہ

ابن شہاب نے سالم بن عبد اللہ بن عمر سے، انہوں نے اپنے والد حضرت عبد اللہ بن عمر رضی اللہ تعالیٰ عنہما سے روایت کی، انہوں نے کہا: میں نے رسول اللہ صلی اللہ تعالیٰ علیہ وآلہ وسلم کو ارشاد فرماتے ہوئے سنا: ''جب میں نیند میں تھا، میں نے اپنے آپ کو کعبہ کا طواف کرتے دیکھا اور دیکھا کہ ایک آدمی ہے جس کا رنگ گندمی ہے، بال سیدھے ہیں، اور دو آدمیوں کے درمیان ہے، اس کے سر سے پانی ٹپکا رہا ہے (یا اس کے سر سے پانی گر رہا ہے)۔ میں نے پوچھا: یہ کون ہیں؟ (جواب دینے والوں نے) کہا: یہ ابن مریم (علیہ السلام) ہیں۔ پھر میں دیکھتا گیا تو اچانک ایک سرخ رنگ کا فربہ آدمی تھا، سر کے بال گھنگھریالے، دائیں آنکھ سے کانا، جیسے اس کی آنکھ انگور کا ابھرا ہوا دانہ ہو۔ میں نے پوچھا: یہ کون ہے؟ کہا گیا: یہ دجال ہے۔ لوگوں میں سب سے زیادہ اس سے مشابہت رکھنے والا ابن قطن ہے۔''