اردو ترجمہ

حضرت ابوقتادہ رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: اچھا خواب اللہ تعالیٰ کی طرف سے ہے اور برا خواب شیطان کی طرف سے ہے۔ جب تم میں سے کوئی اچھا خواب دیکھے تو صرف اسی کو بتائے جسے پسند کرتا ہے۔ اور جب برا خواب دیکھے تو اس کے شر سے اور شیطان کے شر سے اللہ کی پناہ مانگے اور تین بار بائیں طرف تھوکے اور کسی کو نہ بتائے، تو یہ خواب اسے نقصان نہ دے گا۔ بخاری و مسلم نے روایت کیا۔