اردو ترجمہ

سیدنا سہل بن سعد ساعدی رضی اللہ عنہ نے خبر دی کہ عویمر عجلانی رضی اللہ عنہ، عاصم بن عدی انصاری رضی اللہ عنہ کے پاس آئے اور ان سے کہا کہ اے عاصم! تمہارا کیا خیال ہے اگر کوئی اپنی بیوی کے ساتھ کسی غیر کو دیکھے تو کیا اسے وہ قتل کر سکتا ہے؟ اور کیا پھر تم قصاص میں اسے (شوہر کو) بھی قتل کر دو گے یا پھر وہ کیا کرے؟ عاصم! میرے لیے یہ مسئلہ آپ رسول اللہصلی اللہ علیہ وسلمسے پوچھ دیجیے، سیدنا عاصم رضی اللہ عنہ نے جب نبی اکرمصلی اللہ علیہ وسلمسے یہ مسئلہ پوچھا تو آپ نے ان سوالات کو ناپسند فرمایا اور اس سلسلے میں آپ کے کلمات سیدنا عاصم رضی اللہ عنہ پر گراں گزرے، اور جب وہ واپس اپنے گھر آ گئے تو سیدنا عویمر رضی اللہ عنہ نے آ کر ان سے پوچھا کہ بتائیے آپ سے نبی اکرمصلی اللہ علیہ وسلمنے کیا فرمایا؟ سیدنا عاصم رضی اللہ عنہ نے اس پر کہا: تم نے مجھ کو آفت میں ڈالا، جو سوال تم نے پوچھا تھا وہ رسول اللہصلی اللہ علیہ وسلمکو ناگوار گزرا، سیدنا عویمر رضی اللہ عنہ نے کہا کہ اللہ کی قسم! میں یہ مسئلہ رسول اللہصلی اللہ علیہ وسلمسے پوچھے بغیر باز نہیں آؤں گا، چنانچہ وہ روانہ ہوئے اور نبی اکرمصلی اللہ علیہ وسلمکی خدمت میں پہنچے، رسول اللہصلی اللہ علیہ وسلملوگوں کے درمیان تشریف رکھتے تھے، سیدنا عویمر رضی اللہ عنہ نے عرض کیا: یا رسول اللہ! اگر کوئی شخص اپنی بیوی کے ساتھ کسی غیر کو پا لیتا ہے تو آپ کا کیا خیال ہے کیا وہ اسے قتل کر دے؟ لیکن اس صورت میں آپ اسے قتل کر دیں گے یا پھر اسے کیا کرنا چاہیے؟ نبی اکرمصلی اللہ علیہ وسلمنے فرمایا:”اللہ تعالیٰ نے تمہاری بیوی کے بارے میں وحی نازل کی ہے، اس لیے تم جاؤ اور اپنی بیوی کو بھی ساتھ لاؤ۔“سیدنا سہل رضی اللہ عنہ نے بیان کیا کہ پھر دونوں (میاں بیوی) نے لعان کیا، لوگوں کے ساتھ میں بھی رسول اللہصلی اللہ علیہ وسلمکے ساتھ اس وقت موجود تھا، لعان سے جب دونوں فارغ ہوئے تو سیدنا عویمر رضی اللہ عنہ نے عرض کیا: یا رسول اللہ! اگر اس کے بعد بھی میں اسے اپنے پاس رکھوں تو (اس کا مطلب یہ ہو گا کہ) میں جھوٹا ہوں، چنانچہ انہوں نے نبی اکرمصلی اللہ علیہ وسلمکے حکم سے پہلے ہی اپنی بیوی کو تین طلاق دے دی۔[اللؤلؤ والمرجان/كتاب اللعان/حدیث: 952]