اردو ترجمہ

سیدنا ابوہریرہ رضی اللہ عنہ نے بیان کیا کہ ایک شخص نبی کریمصلی اللہ علیہ وسلمکی خدمت میں حاضر ہوا اور عرض کی کہ یہ رمضان میں اپنی بیوی سے جماع کر بیٹھا ہے، آپصلی اللہ علیہ وسلمنے دریافت فرمایا:”کیا تمہارے پاس اتنی طاقت نہیں ہے کہ ایک غلام آزاد کر سکو؟“اس نے کہا کہ نہیں، آپصلی اللہ علیہ وسلمنے پھر دریافت فرمایا:”کیا تم پے در پے دو مہینے کے روزے رکھ سکتے ہو؟“اس نے کہا کہ نہیں، آپصلی اللہ علیہ وسلمنے پھر دریافت فرمایا:”کیا تمہارے اندر اتنی قوت ہے کہ ساٹھ مسکینوں کو کھانا کھلا سکو؟“اب بھی اس کا جواب نفی میں تھا، راوی نے بیان کیا کہ نبی کریمصلی اللہ علیہ وسلمکی خدمت میں ایک تھیلا لایا گیا جس میں کھجوریں تھیں («الْعَرَقُ»زنبیل کو کہتے ہیں)، رسول اللہصلی اللہ علیہ وسلمنے فرمایا:”اسے لے جا اور اپنی طرف سے (محتاجوں کو) کھلا دے۔“اس شخص نے کہا: میں اپنے سے بھی زیادہ محتاج کو (کھلاؤں)؟ حالانکہ دو میدانوں کے درمیان کوئی گھرانہ ہم سے زیادہ محتاج نہیں، آپصلی اللہ علیہ وسلمنے فرمایا:”پھر جا اپنے گھر والوں کو ہی کھلا دے۔“[اللؤلؤ والمرجان/كتاب الصيام/حدیث: 678]