اردو ترجمہ

حضرت حنظلہ رضی اللہ تعالیٰ عنہ فرماتے ہیں کہ ہم رسول اللہ صلی اللہ تعالیٰ علیہ وآلہ وسلم کے پاس تھے اور ہم نے جنت اور جہنم کا ذکر اس طرح کیا گویا ہم اپنی آنکھوں سے اس کو دیکھ رہے ہیں، پھر میں اپنے اہل و عیال کے پاس چلا گیا، اور ان کے ساتھ ہنسا کھیلا، پھر مجھے وہ کیفیت یاد آئی جو نبی اکرم صلی اللہ تعالیٰ علیہ وآلہ وسلم کے پاس تھی، میں گھر سے نکلا، راستے میں مجھے حضرت ابوبکر رضی اللہ تعالیٰ عنہ مل گئے، میں نے کہا: میں منافق ہو گیا، میں منافق ہو گیا، حضرت ابوبکر رضی اللہ تعالیٰ عنہ نے کہا: یہی ہمارا بھی حال ہے، حنظلہ رضی اللہ تعالیٰ عنہ گئے اور نبی اکرم صلی اللہ تعالیٰ علیہ وآلہ وسلم کے سامنے اس کیفیت کا ذکر کیا، تو آپ صلی اللہ تعالیٰ علیہ وآلہ وسلم نے ارشاد فرمایا: اے حنظلہ! اگر ( اہل و عیال کے ساتھ ) تمہاری وہی کیفیت رہے جیسی میرے پاس ہوتی ہے تو فرشتے تمہارے بستروں ( یا راستوں ) میں تم سے مصافحہ کریں، حنظلہ! یہ ایک گھڑی ہے، وہ ایک گھڑی ہے ۔